बुटवलको सिह कम्प्लेक्समा आगलागी , साढे ३ करोडको क्षति

काठमाडौं, जेठ ६ । बुटवल बजारको केन्द्रमा रहेको सिह कम्प्लेक्समा बुधबार राती आगलागी भएको छ । कम्प्लेक्सको चौथो तल्लामा रहेको रेष्टुरेन्ट, भ्युतथा तेस्रो तल्लामा आगलागीबाट भौतिक क्षति भएको छ ।

राती १स्३५ बजे लागेको आगो बुटवल उपमहानगरपालिकाको दमकल आएर डेढ घण्टामा निभाउन सफल भएको थियो । विद्युत सर्ट भएर आगलागी भएको कम्प्लेक्सका संचालक संचालक महेशमान सिहले बताए । आगलागीबाट कुल साढे ३ करोड बराबरको क्षति भएको उनले बताए ।

आगलागीबाट सबैभन्दा ठुलो क्षति लाबी फुडकोर्डमा भएको उनले बताए । आगलागीबाट ४ टनको ४ वटा र २ टनका ७ वटा गरि ११ वटा एसी पुर्ण रुपमा क्षति भएको छ । यसैगरि रेष्टुरेन्टमा रहेको फ्रिज, टिभि, ब्रान्डेड पेय पदार्थ, सजावटका फर्निचर, सोफा लगायत सबै ध्वष्ट भएको उनले बताए ।

लाबि फुडकोर्ड अन्तरगत दुई वटा आकर्षक रेष्टुरेन्ट रहेका थिए । यो संगै रहेको भ्यु सिनेमाको बकस अफिस र काउन्टरमा समेत क्षति भएको छ । समयमा नै आगो नियन्त्रणमा लिन सफल हुदा थप क्षति हुन नपाएको उनले बताए ।

आगलागीबाट तेस्रो तल्लामा रहेको समृद्धि सैलुन (निलडेभिड हेयर सैलुन) को समेत क्षति भएको छ । प्रशासनबाट निशेषज्ञा जारी भएसंगै कम्प्लेक्स बन्द रहेको थियो ।फाइल तस्बिर