काठमाडौं दक्षिणकालीमा दुई पुरुषको शव फेला

काठमाडौं, चैत ६ । काठमाडौं दक्षिणकालीमा दुई पुरुषको शव भेटिएको छ । काठमाडौंको दक्षिणकाली नगरपालिकाको चाल्नाखेलमा दुई जना पुरुषको शव भेटिएको हो । प्रहरीका अनुसार अन्दाजी २० र २५ वर्षीय पुरुषको शव फेला परेको हो ।

अहिले घटनास्थलमा प्रहरीको टोली गएको प्रहरी परिसर काठमाडौंका एसपी रमेश कुमार बस्नेतले बताए ।

मृत दुवैको मुखबाट फिँज निस्किएको पाइएको जनाइएको छ । घटना के कसरी भयो भन्ने बारे भने प्रहरीको अनुसन्धान पछि मात्रै थाहा हुनेछ ।