अब देशभक्त नागरिक एकजुट हुने बेला आयो : मनिषा कोइराला

काठमाडौं , पुस २१ । अभिनेत्री मनिषा कोइरालाले अब देशभक्त नागरिक एकजुट हुनुपर्ने बेला आएको बताएकी छन्।

२ सय ९९ औँ पृथ्वी जयन्ती तथा राष्ट्रिय एकता दिवसको अवसरमा आयोजित कार्यक्रममा उनले यस्तो बताएकी हुन् । सबै एकजुट भएपछि मात्रै स्वाभिमानको साथ बाँच्न सकिने उनको भनाइ थियो ।

राष्ट्रिय एकता दिवसको आफ्नै महत्व भएको उल्लेख गर्दै उनले देशलाई माया गर्नेहरु सबै एक ठाउँमा आउनुपर्ने र एकीकृत भएर आवाज दिन सक्नु पर्ने बताइन् ।केही समयअघि नेपाल भारत सीमा विवादबारे ट्विट गरेपछि भारतीय मिडिया उनीप्रति खनिएका थिए।

नेपालमा भने उनको निकै प्रशंसा भएको थियो । भारतमा बस्दै आउनु भएकी कोइरालाले सिमा विवाद हुँदा नेपालको पक्षमा बोलेको भन्दै भारतमा भने चर्को विरोध गरिएको थियो ।