दोहोरो अंकले बढ्यो नेप्से, ४ अर्ब २५ करोड माथिको कारोबार

काठमाडौं , कार्तिक २७ । पछिल्लो समय आम लगानीकर्ताका लागि मनोवैज्ञिानिक हिसाबले महत्वपूर्ण हुने विन्दुहरु नेप्सेले क्रमशः पार गर्दैअघि बढ्न थालेको छ । नेप्से सूचक तथा अन्य उपसूचकहरुले पनि धमाधम नयाँ उचाईहरु बनाइरहेका छन् ।

एक सातामा सेयर बजार ८२ अंकले सुधार भएको छ। यस साता पाँचै दिन सेयर बजार बढेको छ। साताको अन्तिम कारोबार बिहीबार सेयर कारोबार मापक नेप्से परिसूचक दोहोरो अंकले बढेर बन्द भएको छ । बुधबार २८ अंक भन्दा धेरैले बढेको नेप्से बिहीबार १० दशमलव ८२ अंकले बढेर १ हजार ७ सय १८ दशमलव ४९ अंकमा पुगेको छ ।

‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि ३.२७ अंकले बढेको छ । योसँगै कारोबार रकम पनि बढेको छ । बुधबार ४ अर्ब ९ करोड रुपैयाँको कारोबार भएकोमा बिहीबार ४ अर्ब २५ करोड रुपैयाँ माथिको कारोबार भएको छ ।

दिनभर भएका ४९ हजार २ सय ७८ कारोबारबाट १ सय ९८ कम्पनीक १ करोड २३ लाख ३५ हजार ५ सय ५६ कित्ता सेयर किनबेच भएका छन् । जसअनुसार कारोबार रकम ४ अर्ब २५ करोड ६४ लाख ७५ हजार ८ सय ९१ रुपैयाँको कारोबार भएको छ ।

नेप्से परिसूचक तथा कारोबार रकममा समेत वृद्धि देखिए पनि धेरै लगानीकर्ताहरुले गुमाएका छन् । नेप्सेमा कारोबार हुने बैंकिङ उपसमूह १०.२१ अंकले बढेको छ भने व्यापार १६४.७१ अंकले बढेको छ ।

यसका साथै निर्जिवन बिमा उपसमूह र म्चुअल फण्ड पनि बढेको छ भने अन्य सबै उपसमूह घटेको छ ।यता प्राविधिक विश्लेषकले सोचेभन्दा धेरै माथि पुगेको यस साता कोरोना भाइरसको भ्याक्सिन पत्ता लागेको समाचारले बजार बढेको हो। कोरोना भाइरसको भ्याक्सिन पत्ता लागेको समाचारले विश्वमै सेयर बजार सुधार भइरहेको छ।