जाजरकोट पहिरो : तीन जनाको शव भेटियो, ९ जना अझै बेपत्ता

काठमाडौं, असार २६ । जाजरकोटको पहिरोमा पुरिएका ३ जनाको शव भेटिएको छ । आज बिहान गएको पहिरोमा उनीहरु पुरिएका थिए । जाजरकोटको बारेकोट गाउँपालिका–४, सार्कीगाउँमा गएको पहिरोमा पुरिएका तीन जनाको शव भेटिएको प्रहरीले जनाएको छ ।

पहिरोमा पुरिएका अन्य ९ जना भने अझै बेपत्ता रहेका छन्। उनका अनुसार बेपत्ता भएका अन्य ९ जनाको स्थानीयबासी र प्रहरीको टोलीले खोजी गरिरहेको छ। उद्धारका लागि जिल्ला प्रहरी कार्यालयबाट पनि प्रहरी निरीक्षकको नेतृत्वमा पठाइएको श्रेष्ठले बताए।

अविरल वर्षापछि बारेकोट गाउँपालिका–४, सार्कीगाउँमा गएराति गएको पहिरोमा दुई घर पुरिँदा १२ जना बेपत्ता भएका थिए। तीमध्ये तीन जनाको शव भेटिएको जिल्ला प्रहरी कार्यालय जाजरकोटका प्रमुख प्रहरी नायब उपरीक्षक किशोर श्रेष्ठले जानकारी दिए।