बसको ठक्करबाट चितवनमा एक जनाको मृत्यु

काठमाडौं । चितवनको रत्ननगर नगरपालिका १० गणेशचोकमा नम्बर नखुलेको बसको ठक्करबाट एक जनाको मृत्यु भएको छ । आईतबार बिहान सवा ५ बजे नम्बर खुल्न नसकेको बसको ठक्करबाट अन्दाजी ३२ वर्षिय पुरुषको घटनास्थलमै मृत्यु भएको प्रहरीले जनाएको छ ।

मृतकको सनाखत हुन बाँकी रहेको छ । ठक्कर दिएर भाग्ने सवारी साधन सहित फरार रहेका चालकको खोजी भईरहेको प्रहरीले जनाएको छ ।