अवैध लागुऔषध सहित ३ पक्राउ

काठमाडौं , फागुन १८ । प्रहरीले मोरङ र काभ्रेबा अवैध लागुऔषधसहित ३ जनालाई पक्राउ गरेको छ । काभ्रे, पनौती नगरपालिका–६ पनौती बजारस्थित डेरा गरी बस्ने रौतहट गुजरा नगरपालिका–२ महिराका ३२ वर्षीया शुभद्रा तिमिल्सिनालाई पक्राउ गरेको हो ।

उनका साथबाट नियन्त्रित लागुऔषध नाइट्रोभेट २ सय ७९ ट्याब्लेट बरामद भएको छ । इलाका प्रहरी कार्यालय बनेपाबाट खटिएको प्रहरीले उनको कोठा तलासी गर्दा लुकाइछिपाई राखेको उक्त परिमाणको लागूऔषध सहित फेला पारी पक्राउ गरेको हो ।

यस्तै मोरङ, सुन्दरहरैचा नगरपालिका–९ सिद्धार्थ मार्गबाट अवैध लागूऔषध ब्राउनसुगर ३ ग्रामसहित २ जनालाई प्रहरीले पक्राउ गरेको छ । पक्राउ पर्नेहरुमा सोही ठाउँ बस्ने १९ वर्षीया रेखाकुमारी मगर र २७ वर्षीय साफुदिन आलम रहेका छन् । ईलाका प्रहरी कार्यालय बिराटचोकबाट खटिएको प्रहरीले जाँच गर्ने क्रममा उनीहरुलाई उक्त लागूऔषध सहित फेला पारी पक्राउ गरेको हो ।