जुवातास खेलिरहेको अवस्थामा गोकर्णेश्वरबाट ९ जना पक्राउ

काठमाडौं , माघ ८ । जुवातास खेलिरहेको अवस्थामा गोकर्णेश्वरबाट ९ जना पक्राउ परेका छन् । प्रहरीले काठमाडौंको गोकर्णेश्वरबाट जुवातास खेलिरहेको अवस्थामा उनीहरुलाई पक्राउ गरेको हो ।

गोकर्णेश्वर नगरपालिका-४ माकलबारी बसपार्क डेरा गरी बस्ने ३३ वर्षीय राम बाबु सापकोटाको कोठामा मंगलबार साँझ जुवातास खेलिरहेको अवस्थामा उनीहरुलाई पक्राउ गरेको हो ।

सिन्धुली जिकल गाउँपालिका-२ घर भएका ५० वर्षीय अमरजन खत्रीलगायत ९ जनालाई नगद २ लाख ५२ हजार ३ सय ५० रुपैयाँ र ९ बुक ताससहित प्रहरीले पक्राउ गरेको हो ।

महानगरीय प्रहरी प्रभाग कपनबाट खटिएको प्रहरीले जुवातास खेलिरहेको अवस्थामा फेला पारी उनीहरूलाई पक्राउ गर्नुका साथै यस सम्बन्धमा थप अनुसन्धान गरिरहेको छ ।