हिमपातले रसुवा–केरुङ आवतजावत बन्द, सवारी चालकको बिजोग

काठमाडौं, माघ ५ । केहिदिन देखि परेको हिमपातका कारण नेपाल चीनबीच केरुङको आवतजावत बन्द भएको छ ।

चिनियाँ भूभागको अधिकांश सडकमा हिउँ जमेका कारण सवारीसाधन एवं मानिस हिँड्डुल गर्नसमेत बन्द भएको सीमा प्रहरी चौकी टिमुरेका प्रहरी निरीक्षक खेम नेपालले बताए ।

हिमपातका कारण दैनिक रूपमा मालसामान ओसारपसार गर्ने ट्रक तथा कन्टेनर आवतजावत गर्न नसक्दा सयौँ सवारी चालक अलपत्र अवस्थमा रहका छन् ।

सडक खुल्न अझै केही दिन लाग्ने सीमा प्रहरी चौकी टिमुरेले जनाएको छ । यसरी सडक बन्द हुँदा आवत जावतमा निकै कठिनाइ भइरहेको स्थानियले बताएका छन् ।