बस र मोटरसाइकल ठोक्किँए, एकको मुत्यु

काठमाडौं, पुस ८ । भिमदत्त राजमार्गको डडेल्धुरा सदरमुकामको बजार नजिक बससँग मोटरसाइकल ठोक्किँदा एक जनाको मृत्यु भएको छ भने एक गम्भीर घाइते छन्।

मंगलबार मध्यान्ह करिब १२ बजे अमरगढी नगरपालिका-१ चालीस मोडनजिक बससँग मोटरसाइकल ठोक्किँएको हो।

कन्चनपुरको महेन्द्रनगरबाट बझाङ जाँदै गरेको ना ७ ख ६५२२ नम्बरको बससँग विपरित दिसातर्फ गइरहेको से ४ प ५८८० न को मोटरसाइकल ठोक्किँदा एक जनाको मृत्यु भएको प्रहरीले जनाएको छ।

दुर्घटनामा परि अमारगढी-११ फिन्नेकिटका अन्दाजी २० वर्षिय खडक बोहरको दुर्घटना स्थलमै मृत्यु भएको जिल्ला प्रहरी कार्यालय डडेल्धुराले जनाएको छ। दुर्घटनामा परि गन्यापघुरा गाउँपालिक(३ सकयलका महेन्द्र ठगुन्ना गम्भीर घाइते भएका छन्।

बस चालक बिरेन्द्रबहादुर बुढालाई प्रहरीले नियन्त्रणमा लिएको छ। उनी कन्चनपुरको भिनपा ७ हल्दुखल निवसी हुन्।