बाहिरियो ओली सरकारबाट समाजवादी पार्टी, सहरी विकासमन्त्री राईले पनि दिए राजीनामा
काठमाडौं , पुस ८ । समाजवादी पार्टी नेपाल केपी शर्मा ओली नेतृत्वको सरकारबाट बाहिरिएको छ।उपप्रधान तथा कानून मन्त्री उपेन्द्र यादवले राजीनामा दिएका छन्। यादवले मंगलबार दिउँसो प्रधानमन्त्री तथा मन्त्रिपरिषद् कार्यालयमा राजीनामा बुझाएका हुन्।
![](https://jagarannews.com/wp-content/uploads/2019/12/mantri.jpg)
समाजवादी पार्टीबाटै शहरी विकास मन्त्री बनेका मोहम्मद इस्तियाक राईले पनि आजै राजीनामा दिएका हुन्। सहरी विकास मन्त्री मोहम्मद इश्तियाक राईले पनि पदबाट राजीनामा दिएका छन् । मन्त्री राईले मंगलबार प्रधानमन्त्री केपी शर्मा ओलीसमक्ष राजीनामा दिएका हुन् ।
“मलाई नेपाल सरकार सहरी विकास मन्त्रालयको मन्त्री पदमा नियुक्त गर्नुभई कामकाजको जिम्मेबारी दिनुभएकोमा नेपालको संविधान धारा ७७ को उपधारा २ (क) बमोजिम मैले उक्त मन्त्री पदबाट राजीनामा दिएको छु,” राजीनामा पत्रमा भनिएको छ, “सहकार्य गर्ने अवसर दिनुभएकोमा विशेष धन्यवाद व्यक्त गर्दछु ।”
प्रतिक्रिया दिनुहोस्