१ लाख नगदसहित ९ जुवाडे पक्राउ

काठमाडौं, पुस ३ । प्रहरीले एकलाख नगदसहित नौ जुवाडेलाई पक्राउ गरेको छ । एक लाख सात हजार ५१० नगदसहित नौ जुवाडेलाई पक्राउ गरेको नेपाल प्रहरीले जनाएको छ ।

महानगरीय प्रहरी प्रभाग स्वीचाटारबाट खटिएको प्रहरी टोलीले नागार्जुन नगरपालिका–९ स्वीचाटारस्थित सीताराम बुढाथोकीको घरमा जुवा खेलिरहेको अवस्थामा बुधबार राति उनीहरुलाई पक्राउ गरेको हो ।

पक्राउ परेकासँग प्रहरीले तास र नगद बरामद गरेको छ भने आवश्यक अनुसन्धान भइरहेको पनि प्रहरी प्रधान कार्यालयले जनाएको छ ।