दाङमा टिपरले लियो मोटरसाइकल चालकको ज्यान

काठमाडौं, पुस २ । दाङमा टिपरको ठक्करबाट एक जनाको मृत्यु भएको छ। तुलसीपुर उपमहानगरपालिका वडा नं. ६ हात्तीखौवा निवासी २३ वर्षीय शिवराज डाँगीको मृत्यु भएको हो।

मोटरसाइकलको पछाडि सवार सोही ठाउँ निवासी १९ वर्षीय सुमन अधिकारी भने घाइते छन्।

पूर्व पश्चिम राजमार्ग अन्तरगत राप्ती गाउँपालिका वडा नं. ५ पहरुवा भन्ने स्थानमा पश्चिमतर्फ आउँदै गरेको लु २ ख ९८३ नम्बरको टिपरले पूर्वतर्फ जाँदै गरेको रा ५ प ७१५३ नम्बरको मोटरसाइकलाई ठक्कर दिँदा गम्भीर घाइते डाँगीको उपचारका क्रममा बुटवलमा मृत्यु भएको मृतकका मामा देवबहादुर बस्नेतले जानकारी दिए।

ईलाका प्रहरी कार्यालय भालुवाङका अनुसार बुधबार बिहान साढे ५ बजेतिर उक्त दुर्घटना भएको थियो।