पाल्पामा टिप्पर दुर्घटना हुँदा सहचालकको मृत्यु

काठमाडौं, मंसिर २२ । पाल्पामा टिप्पर दुर्घटना हुँदा सहचालकको ज्यान गएको छ । पाल्पाको निस्दी गाउँपालिका ३ धार्के्सिङ्गमा टिपर दुर्घटना हुँदा सहचालकको घटानास्थलमै ज्यान गएको छ भने अर्का चालक गम्भीर घाइते भएको प्रहरीले जनाएके छ ।

जिल्ला प्रहरी कार्यालय पाल्पाका अनुसार नवलपरासीको अरुणखोलाबाट इँटा लोड गरी निस्दीको काउले वनतर्फ आउदै गरेको प्रदेश न.३०–१–००–३ क ४४५६ न. को टिपर दुर्घटना भएको हो ।

दुर्घटनामा सहचालक जाजरकोट साविक खालारहिका गाविस ८ का २३ वर्षका टेकबहादुर बुढा मगरको ज्यान गएको हो । टिपर चालक सुर्खेत शिवालय गाउँपालिका का ३८ वर्षका दिलबहादुर थापा गम्भीर छन् ।

उनको लुम्बिनी मेडिकल कलेज प्रभास पाल्पामा उपचार भइरहेको छ । स्टेरिङ फेल भएर सो दुर्घटना भएको हो । टिपर सडकदेखि १ सय २० मिटर तल खसेको छ ।