पुरानो कर्मचारीलाई बिदाइ गर्न नसक्नु ठूलो कमजोरी : प्रचण्ड
काठमाडौं, मंसिर २० । नेपाल कम्युनिस्ट पार्टी (नेकपा)का अध्यक्ष प्रचण्डले पुरानो राज्य व्यवस्थामा काम गरेका कर्मचारीलाई बिदाइ गर्न नसक्नु ठूलो कमजोरी भएको बताएका छन् ।
शुक्रबार कैलालीको धनगढीमा आयोजित सुदूरपश्चिम वित्तीय सम्मेलन’लाई सम्बोधन गर्दै उनले यस्तो बताएका हुन् ।
साथै उनले कर्मचारीतन्त्रले परिवर्तनलाई आत्मसाथ नगर्दा संघीय व्यवस्थामै चुनौती देखापरेको आरोप लगाउँदै कर्मचारीले विभिन्न बहाना बनाएर नेताको दिमाग खराब गरिरहेको उनले जिकीर गरे ।
अध्यक्ष दाहालले संघीयता लागू गर्ने सवालमा कर्मचारीतन्त्रबाट असहयोग भएको आरोपसमेत लगाए ।उनले देशभित्रकै लगानीकर्ताहरुलाई आकर्षित गर्न सुरक्षा र नाफाको प्रत्याभूति दिन सरकार तयार रहनुपर्ने बताए ।
कार्यक्रममा उद्योग, वाणिज्य तथा आपूर्तिमन्त्री लेखराज भट्टले जारी वित्तीय सम्मेलनले सबै स्थानीय तहहरुलाई समेटेर अगाडि बढ्न शुभकामना दिएका थिए ।
प्रतिक्रिया दिनुहोस्