अनुमतिबिना चलाइएका एक सय पचासभन्दा बढी गाडी प्रहरीको नियन्त्रणमा

काठमाडौं, मंसिर १४ । अनुमतिबिना चलाइएका एक सय पचासभन्दा बढी गाडी प्रहरीले नियन्त्रणमा लिएको छ ।

कास्की क्षेत्र नं-२ मा जारी उपनिर्वाचनको क्रममा जिल्ला प्रशासनबाट अनुमति नलिइ चलाइएका एक सय पचासभन्दा बढी सवारी साधनलाई आज जिल्ला ट्राफिक प्रहरी कार्यालय, कास्कीले नियन्त्रणमा लिएको हो ।

अनुमति नलिएका गाडी समातिएको जिल्ला ट्राफिक प्रहरी कार्यालयले जनाएको छ।नियन्त्रणमा लिएका गाडीमध्ये अधिकांश मोटरसाइकल रहेको बताइएको छ।

आकस्मिक सेवाका एम्बुलेन्स, दमकल, खानेपानी, विद्युत, खानेपानीका ट्याङ्कर र अत्यावश्यक सेवाका साथै अनुमति लिएका सवारी साधन भने सञ्चालन भइरहेका छन्।