उदयपुरबाट कटुवा पेस्तोल र गोलीसहित एक जना पक्राउ

काठमाडौं, मंसिर १२ । उदयपुरबाट कटुवा पेस्तोल र गोलीसहित एक जना पक्राउ परेका छन् । उदयपुर बेलका नगरपालिका-३ सातपत्रेबाट कटुवा पेस्तोल एक थान र सोको गोली एक राउण्डसहित सोही ठाउँका १९ वर्षीय मनोज खत्रीलाई बुधबार राति प्रहरीले पक्राउ गरेको हो ।

खत्री र सोही नगरपालिका बस्ने २६ वर्षीय विशाल लिम्बूले स १ त ७४४० नम्बरको ट्रयाक्टर रोकी ट्रयाक्टरमा काम गर्ने एक व्यक्तिलाई हातपात गर्दै कटुवा पेस्तोल देखाएर अपहरण शैलीमा एकान्त स्थानतर्फ लैजाँदै गरेको खबर प्राप्त पाएपछि इलाका प्रहरी कार्यालय रामपुरठोक्सिलाबाट खटिएको प्रहरीले खत्रीलाई हतियारसहित पक्राउ गरेको हो।

घटनामा संलग्न फरार रहेका विशाल लिम्बू फरार छन्। उनको खोजी भइरहेको प्रहरीले जनाएको छ।