संखुवासभामा ट्याक्टर दुर्घटनाः चालकको ज्यान गयो

फाइल तस्बिर

काठमाडौं, मंसिर ५ । संखुवासभामा ट्याक्टर दुर्घटना हुँदा एक जना चालकको ज्यान गएको छ ।
संखुवासभाको चिचिला गाउँपालिका वडा नम्बर १ कुवापानीस्थित खाँदबारी नुम सडक खण्डमा ट्याक्टर दुर्घटनामा चालकको ज्यान गएको हो ।

बिहीबार बिहानको समयमा खाँदबारीबाट नुमतर्फ सामान बोकेर जाँदै गरेको ग१त ४१६४ नम्बरको ट्याक्टर अनियन्त्रित भई सडकबाट सय मिटर तल खस्दा ट्याक्टर चालक संखुवासभाको भोटखोला गाउँपालिका वडा नम्वर ५ का २२ वर्षीय को मनोज तामाङको घटनास्थलमा नै मृत्यु भएको प्रहरीले जनाएको छ ।

मृतकको शवलाई पोष्टमार्टमको लागि जिल्ला अस्पताल खाँदबारी ल्याइएको छ ।