एकाबिहानै ट्रिपरबाट खसेर सहचालकको मृत्यु

काठमाडौं, कात्तिक २६ । ट्रिपरबाट खसेर चितवनमा सोमबार सहचालकको ज्यान गएको छ । राप्ती नगरपालिका वडा नम्बर ५ स्थित भण्डारामा ना ३ ख ३७७८ नम्बरको ट्रिपरबाट खसेर सोही ट्रिपरका सहचालकको मृत्यु भएको जिल्ला प्रहरी कार्यालय, चितवनले जनाएको छ ।

प्रहरीका अनुसार मृत्यु हुनेमा बर्दियाको गोरुवा गाउपालिका वडा नम्बर ५ बस्ने बर्ष २० का तिर्थबहादुर थारु रहेका छन् ।

गम्भीर घाइते भएका थारुकोे पुरानो मेडिकल कलेजमा उपचारको क्रममा अपरान्ह पौने ५ बजे मृत्यु भएको प्रहरीले जनाएको छ ।