भारतीय नक्साविरुद्ध माइतीघरमा प्रदर्शन गर्ने विप्लवका चारजना पक्राउ

काठमाडौं , कात्तिक २४ । भारतीय नक्साविरुद्ध माइतीघरमा प्रदर्शन गर्ने विप्लव समूहका चारजना पक्राउ परेका छन् ।

भारतले गत साता सार्वजनिक गरेको नक्सामा नेपाली भूमि समेटिएको विरोधमा प्रतिवन्धित नेकपा निकट विद्यार्थीहरुले माइतीघरमा प्रदर्शन गरेका छन् ।

यसै प्रदर्शनका क्रममा प्रहरलिे विप्लवका चारजनालाइ पक्राउ गरेको हो । पक्राउ परेकाहरुको नाम खुलाइएको छैन ।

नेत्रविक्रम चन्द ‘विप्लव’ निकट अखिल क्रान्तिकारी भारतको पछिल्लो कदमका विरुद्ध माइतीघरमा प्रदर्शन गरेको हो ।

कालापानी, लिम्पियाधुरा र लिपुलेकलाई भारतले आफ्नो नयाँ नक्सामा समावेश गरेको विरोधमा उनीहरुले प्रदर्शन गरेका हुन् । यस्तै आज मात्रै कोटेश्वरमा नेविसंघले पनि प्रदर्शन गरेको छ ।