लागूऔषधसहित कैलालीबाट २ जना पक्राउ

काठमाडौं, कात्तिक २० । कैलालीबाट लागूऔषधसहित २ जना पक्राउ परेका छन् । उनीहरुलाई जिल्ला प्रहरी कार्यालय कैलालीले धनगढीबाट लागूऔषधसहित पक्राउ गरेको हो ।

विशेष सूचनाको आधारमा जिल्ला प्रहरी कार्यालयबाट खटिएको प्रहरी टोलीले लागूऔषध बोकेर भारतबाट नेपाल तर्फ आउँदै गरेका चौधरीको साथमा ३ ग्राम ६ सय २० मिलिग्राम ब्राउन सुगर र कऊंधयअपजबचमष् लेखेको निलो रंगको चार वटा ट्याबलेट र रानाको साथबाट १ ग्राम १ सय ४० मिलिग्राम ब्राउन सुगर बरामद भएको कार्कीले बताए ।

धनगढी उपमहानगरपालीका-२ स्थित त्रिनगर भन्सार गेट अगाडिबाट उनीहरु समातिएका हुन् । पक्राउ पर्नेमा धनगढी उपमहानगरपालीका-५ का २५ वर्षीय संजय चौधरी र वडा नम्वर-१३ का २० वर्षीय अनिल राना रहेको जिल्ला प्रहरी कार्यालय कैलालीका निमित्त प्रबक्ता प्रहरी निरिक्षक प्रकाश कार्कीले बताए । पक्राउ परेका दुवैजनालाई लागूऔषध सम्बन्धी मुद्दा चलाइने प्रहरीले जनाएको छ ।