बीरगञ्ज प्रहरीद्वारा खुट्टामा गोली हानी अपहरणकारी पक्राउ, वालकको सकुशल उद्धार

काठमाडौं, कात्तिक २० । बीरगञ्जमा बालक अपहरण गरेकोे आरोपमा प्रहरीले एक जनालाई पक्राउ गरेको छ । प्रहरीले उनलाई बालक अपहरण गर्ने क्रममा दाहिने खुट्टामा गोली हानी नियन्त्रणमा लिएको हो ।

पक्राउ पर्नेमा पर्साको पोखरीया नगरपालिका–८ का राजकुमार दास छन् । यता बालकको भने गएराति सिर्सिया खाल्वाटोलामा प्रहरीले अपहरणकारीको पञ्जाबाट बालकलाई शकुसल उद्धार गरेको गरेको छ ।

काभ्रेबाट एक बालक अपहरण गरी अभिभावकसँग फिरौती लिँदै गर्दा पुगेको प्रहरी टोलीलाई पेस्तोल ताकेपछि प्रहरीले दासलाई गोली हानी नियन्त्रणमा लिएको पत्रकार सम्मेलनमा मार्फत जनाकारी दिएको छ । गोली लागेर घाइते भएका अपहरणकारीको नारायणी अस्पतालमा उपचार चलिरहेको छ ।