गुल्मीमा दुई बालकसहित ३ जनाको बेबारिसे शव फेला

काठमाडौं, कात्तिक १६ । गुल्मीमा दुई बालकसहित ३ जनाको बेबारिसे शव फेला परेको छ।

शनिवार बिहान जिल्लाको चन्द्रकोट गाउँपालिका वडा नम्बर ३ स्थित पोखरी भन्ने स्थानमा अन्दाजी २७ वर्षीया महिला र अन्दाजी ७र८ वर्षीय २ बालकको शव बेबारिसे अवस्थामा फेला परेको जिल्ला प्रहरी कार्यालय गुल्मीका प्रहरी उपरिक्षक (एसपी) राजेन्द्रसिंह खड्काले बताए ।

कच्ची सडकबाट ४ मिटर दूरीमा बेवारिसे अवस्थामा महिलाको शव र सोही स्थानबाट १ मिटर दूरीमा २ जना बालकको शव फेला परेको प्रहरीको भनाइ छ ।

घटनाबारे अनुसन्धानका लागि जिल्ला प्रहरी कार्यालय गुल्मीका प्रहरी निरीक्षकको कमाण्डमा एक टोली घटनास्थल गएको छ ।