तेजाब प्रहार गरी फरार रहेका एक अभियुक्त ६ वर्षपछि पक्राउ

काठमाडौं, कात्तिक १५ । अनुहारमा तेजाब प्रहार गरी फरार रहेका एक अभियुक्त ६ वर्षपछि पक्राउ परेका छन् ।

०७० बैशाख ९ गते मकवानपुरको हेटौंडा उपमहानगरपालिका–३ की विन्दावासिनी कंसाकारमाथि तेजाब प्रहार गरी फरार रहेका दिलिराज केशरी बिहिबार साँझ करिब ९ बजे पक्राउ परेका हुन्।

आफ्नै भाँडा पसलमा बसिरहेकी कंसाकारमाथि भारत माहाराजगञ्जका केशरीले तेजाब प्रहार गरेका थिए। केशरीलाई जिप्रका मकवानपुर र जिप्रका बाराको प्रहरी टोलीले बाराको जितपुर–सिमरा उपमहानगरपालिका–२३ भलोहीमा लुकिरहेको अवस्थामा पक्राउ गरिएको प्रहरीले जनाएको छ ।