६० हजार घुससहित प्रहरी नायव निरीक्षक पक्राउ

काठमाडौं , कात्तिक १४ । ६० हजार घुससहित एक प्रहरी नायव निरीक्षक पक्राउ परेका छन् ।

उनलाई अख्तियार दुरुपयोग अनुसन्धान आयोगले ६० हजार रुपैयाँ घुससहित बाराबाट नियन्त्रणमा लिएका हो ।

बाराको गञ्जभवानीपुर प्रहरी चौकीमा कार्यरत प्रहरी नायव निरीक्षक जटाशंकरप्रसाद कलवारलाई अख्तियारको टोलीले समातेको हो ।

घुससहित कलैया उपमहानगरपालिका(४ स्थित श्रीराम खाद्य उद्योग अगाडिबाट आयोगको टोलीले बिहीबार पक्राउ गरेको आयोगका प्रवक्ता प्रदीपकुमार कोइरालाले बताए ।

भारतबाट मालसामान ल्याउन सहज गराई दिने भन्दै सेवाग्राहीसँग घुस लिइसकेको अवस्थामा अख्तियार दुरुपयोग अनुसन्धान आयोग हेटौंडाको टोलीले कलवारलाई नियन्त्रणमा लिएको हो ।

नियन्त्रणमा रहेको उनको अनुसन्धान भइरहेको प्रवक्ता कोइरालाले जनाकारी दिए ।