रुकुम पश्चिममा ट्रयाक्टर दुर्घटना हुँदा २ जनाको मृत्यु

काठमाडौं, कात्तिक ८ । रुकुम पश्चिममा ट्रयाक्टर दुर्घटना भएको छ । दुर्घटनामा परि २ जनाको मृत्यु भएको छ । ।

दुर्घटनामा परि सानीभेरी गाउँपालिका–१, का २२ वर्षीय ट्रयाक्टर चालक महेन्द्र विक र २७ वर्षीय चन्द्रबहादुर विकको मृत्यु भएको प्रहरीले जनाएको छ ।

दुवै जनाको घटनास्थलमै ज्यान गएको जिल्ला प्रहरी प्रमुख प्रहरी नायब उपरीक्षक(डीएसपी) सुमित खड्काले जानकारी दिए ।

चौरजहारी नगरपालिकाबाट सानीभेरी गाउँपालिकातर्फ आउँदै गरेको भे १ त ५१०७ नम्बरको ट्रयाक्टर दुर्घटनामा परेको हो ।

रक्सी पिएर ट्रयाक्टर चलाएका कारण दुर्घटना भएको डीएसपी खड्काले बताए । ट्रयाक्टर मध्यपहाडी लोकमार्गबाट झण्डै २० मिटर तल खसेको थियो ।