महोत्तरीबाट १ लाखको पटाका बरामद

काठमाडौं, कात्तिक ६ । प्रहरीले महोत्तरीबाट ठुलो परिणाममा पटका बरामद गरेको छ । सशस्त्र प्रहरीको टोलीले १ लाख मूल्य बराबरको पटाका बरामद गरेको हो ।

भारतबाट ल्याउँदै गरेको पटाका महोत्तरीको सिमावर्ती क्षेत्र मटिहानीबाट बरामद गरी नष्ट गरिएको सशस्त्र प्रहरी निरीक्षक निरकृष्ण अधिकारीले जानकारी दिए ।

उनका अनुसार पटाका, फुलझरी, चक्र, चकलेट बमसहितका सामानहरु नियन्त्रणमा लिएर नष्ट गरिएको छ ।

दीपावली र छठ नजिकिदैं गर्दा भारतबाट पटाकासहितका बिष्फोटक सामान भित्र्याउने क्रम बढेको छ । यद्यपी सशस्त्र र नेपाल प्रहरीले सिमा नाकामा कडाइ गरेको छ ।