जुवा खालमा प्रहरीको छापा ,३ लाख ५० हजार नगदसहित १४ जुवाडे समातिए

फाइल तस्बिर

काठमाडौं, कात्तिक १ । प्रहरीले कपिलवस्तुबाट ३ लाख ५० हजार नगदसहित १४ जुवाडलाई पक्राउ गरेको छ ।

कपिलवस्तु नगरपालिका– २ को वगरगदवा गाउँमा सञ्चालित जुवा खालमा प्रहरीले बिहीबार राति छापा मारी १४ जुवाडे पक्राउ गरेको हो । जुवा खालबाट प्रहरीले ३ लाख ५० हजार नगद बरामद गरेको जनाएको छ ।

प्रहरीले बिहीबार राति करीब १२ बजेको समयमा वरगदवा गाउँका स्थानीय कानु कहारको घरमा सञ्चालित जुवा खालमा छापा मारेको थियो ।

लाखौँ रुपैयाँ हार जित हुने ढंगबाट संस्थागत जुवा संचालन भइरहेको खबर प्राप्त भएपछि प्रहरीले छापा मारेको प्रहरी नायव उपरीक्षक (डीएसपी) सुनिल मल्लले बताए । पक्राउ परेका १४ जनाविरुद्ध मुद्धा चलाउने तयारी गरिएको प्रहरीले जनाएको छ ।