एक जना हुण्डी कारोबारी १० लाखसहित पक्राउ

काठमाडौं , असोज २८ । प्रहरीले १० लाखसहित एक जना हुण्डी कारोबारीलाई समातेको छ । मोरङको विराटनगर महानगरपालिका-४ को कन्चनबारी चोकबाट प्रहरीले अवैध हुण्डी कारोबारमा संलग्न एक जनालाई पक्राउ गरेको हो ।

पक्राउ पर्नेमा सुनसरी बर्जु गाउँपालिका-३ का २४ बर्षीय उमाकान्त राय रहेका छन् ।

जिल्ला प्रहरी कार्यालय मोरङले जनाए अनुसार रायले बोकेको झोला चेकजाँच गर्दा झोलाभित्र विभिन्न दरका नेपाली नोट रू १० लाख, प्राइम बैंक र एनसीसी बैंकको चेकबुक १र१ थान लगायतका सामान बरामद गरिएको छ ।

आवश्यक कारबाहीका लागि पक्राउ परेका रायलाई राजश्व अनुसन्धान कार्यालय ईटहरी सुनसरीमा बुझाइएको प्रहरीले जनाएको छ।