दुर्घटनामा एक जना प्रहरी नायब निरीक्षकको मृत्यु, एक घाइते

काठमाडौं, असोज ११ । दुर्घटनामा परी इलाममा एक जना प्रहरी नायब निरीक्षकको मृत्यु भएको छ ।

दुर्घटनामा एक जना गम्भीर घाइते भएका छन् । मोटरसाइकलमा सवार घाइतेको रामसेवक मोचेको इलाम अस्पतालमा उपचार भइरहेको छ ।

शनिबार दिउँसो इलामको बरबोटे–सुम्बेक सडकखण्डकोे छाँगेमा को १ ब २२८८ नम्बरको मोटरसाइकल दुर्घटना हुँदा इलाम नगरपालिका–५ बरबोटेमा कार्यरत प्रहरी नायब निरीक्षक रवि मगरको मृत्यु भएको हो ।

इटहरी उपमहानगरपालिका–१ सुनसरी स्थायी घर भएका प्रहरी नायब निरीक्षक मगर आफैंले चलाएको मोटरसाइकल दुर्घटना हुँदा उहाँको मृत्यु भएको इलाम नगरपालिका–५ का वडाध्यक्ष ठाकुरनारायण श्रेष्ठले जानकारी दिए । दुर्घटनाका सम्बन्धमा आवश्यक अनुसन्धान भइरहेको प्रहरीले जनाएको छ ।