धनुषामा करेन्ट लागेर श्रीमानश्रीमतीसहित ३ जनाको मृत्यु

काठमाडौं, असोज ८ । धनुषामा करेन्ट लागेर ३ जनाको ज्यान गएको छ । धनुषाको गणेशमान चारनाथ नगरपालिकामा करेन्ट लागेर स्थानीय शिवकुमार महतो, उनका श्रीमती र एक कामदार रहेको प्रहरीले जनाएको छ ।

घरमा सुतिरहेका बेला विद्युत सर्ट भएपछि तार जलेर तल खस्दा उनीहरुलाई करेन्ट लागेको प्रहरीको अनुमान छ । विहान ढिलोसम्म होटल नखोलेपछि स्थानीयले गएर हेर्दा मृत भेटेपछि प्रहरीलाई खबर गरेका थिए ।

महतोले पुर्वेली स्टाफ होटल सञ्चालन गरेका थिए । सोही होटलमा सुतिरहेका महतो, उनका श्रीमती र कामदारको करेन्ट लागेर मृत्यु भएको धनुषाका प्रहरी प्रमुख एसपी शेखर खनालले जानकारी दिए । मृतक कामदारको पहिचान भएको छैन।