काठमाडौंको बूढानीलकण्ठमा ट्याक्सी चालक लुटिए

काठमाडौं, भदौ २९। काठमाडौंको बुढानीलकण्ठमा एक जना ट्याक्सी चालक लुटिएका छन् ।

काठमाडौंको बुढानिलकण्ठ नगरपालिका-१३ गाम्चापुल नजिकैबाट आइतबार विहान काठमाडौं महाँकाल बस्ने ओखलढुङ्गाका बा.१ ज. ९०४१ नम्बरका ट्याक्सी चालक ३८ वर्षीय पूर्ण बहादुर तामाङ लुटिएका हुन् । उनको साथबाट नगद ५ हजार रुपैयाँ र एक थान मोबाइल लुटपाट भएको प्रहरीले जनाएको छ ।

सामाखुसीबाट ट्याक्सी चढेका ३ जना अपरिचित व्यक्तिहरुले गाम्चापुल नजिकै पुगेपछि तामाङलाई कुटपिट गरी उनको ट्याक्सी नै लिएर फरार भएका थिए ।

यसैबीच फरार महानगरीय प्रहरी प्रभाग बुढानिलकण्ठबाट खटिएको प्रहरी टोलीले तामाङको ट्याक्सी सामाखुशीमा फेला पारेको जनाएको छ । लुटपाटमा संलग्न समूहको खोजी कार्य भइरहेको पनि प्रहरीले जनाएको छ ।