पेस्तोलसहित भक्तपुरबाट एक जना पक्राउ

काठमाडौं , भदौ २४ । प्रहरीले भक्तपुरबाट पेस्तोलसहित एक जनालाई समातेको छ । भक्तपुरको सूर्य विनायकबाट प्रहरीले एक थान नलकटुवा पेस्तोलसहित बाराको फेटा गाउँपालिका–३ का ३८ वर्षीय शम्भुप्रसाद साह कानु लाई समातेको हो ।

भक्तपुरको सूर्य विनायक नगरपालिका–९ भातेढिकुरस्थित सडकमा सोमबार राति हिँडिरहेको समयमा शंका लागेपछि प्रहरीले उनीलाई चेकजाँच गरेका थिए ।

चेकजाँचको क्रममा उनको साथबाट एक थान पेस्तोल र सो पेस्तोलमा लागने ६ राउण्ड गोली बरामद भएको प्रहरीले जनाएको छ ।

समातिएका कानुलाई महानगरीय प्रहरी वृत जगाती भक्तपुरमा राखेर अनुसन्धान भइरहेको प्रहरी नायव उपरीक्षक रेवती रमण पोखरेलले बताएका छन् ।