नगद ८ लाख ४० हजार सहित १२ जना जुवाडे प्रहरीद्वारा पक्राउ

काठमाडौं, साउन २३ । प्रहरीले नगद ८ लाख ४० हजार सहित १२ जना जुवाडेलाई पक्राउ गरेको छ ।

जुवातास खेलिरहेको अवस्थामा नगद ८ लाख ४० हजार सहित १२ जना लाई महानगरीय प्रहरी वृत्त सातदोबाटोबाट खटिएको प्रहरी टोलीले सूचनाको आधारमा पक्राउ गरेको हो ।

लितपुर महानगरपालिका(२३ धापाखेल स्थित रंजित महर्जनले संचालन गरेको डाउनटाउन अपार्टमेन्टमा जुवातास खेलिरहेको अवस्थामा नगद ८ लाख ४० हजार रूपैयाँ, कौडा थान १६, पासा १ सेट र तास १ बुक सहित अपार्टमेन्ट संचालक ललितपुर महानगरपालिका-८ पाटन बस्ने वर्ष ३७ को रंजित महर्जन सहित १२ जनालाई पक्राउ गरिएको प्रहरीले जनाएको छ ।

त्यस्तै काठमाण्डौ महानगरपालिका-१४ बल्खुबाट जिल्ला मोरङ रंगेली-६ घरभई काठमाण्डौ कुलेश्वर बस्ने बर्ष-२६ का लक्की सिंहलाई लागुऔषध सहित पक्राउ गरेको छ ।

निजको साथबाट लागुऔषध नाईट्राभेट- २८ ट्याब्लेट, ट्रामा थान-३०२, र गाँजा ५० ग्राम र नगद ४४ हजार रूपैयाँ र भारु।११ सय बरामद गरेको छ । घटना सम्बन्धमा प्रहरीले अनुसन्धान गरिरहेको छ ।

पक्राउ परेका माथि अनुसन्धान भइरहेको जनाएको छ ।