विभिन्न व्यक्तिलाई धम्क्याउँदै ७५ लाख रुपैयाँ माग्ने एक जना पक्राउ

काठमाण्डौं, साउन १९ । विभिन्न व्यक्तिलाई धम्क्याउँदै ७५ लाख रुपैयाँ माग्ने गर्ने एक जनालाई प्रहरीले पक्राउ गरेको छ ।

उनले विभिन्न मितिमा मोबाइलबाट नेपाली तथा भारतीय नम्बरको प्रयोग गरेर विभिन्न व्यक्तिलाई धम्क्याउँदै रकम माग गर्दै आएका थिए ।
पक्राउ पर्नेमा ललितपुर महानगरपालिका वडा नम्बर-२४ का ३० वर्षीय उदय गिरी रहेका छन् ।

उनलाई महानगरीय अपराध महाशाखाको टोलीले ललितपुरको धापाखेलबाट पक्राउ गरेको हो ।

साथै उनी यसअघि हातहतियार तथा खरखजाना मुद्दामा ३ वर्ष जेल भुक्तान गरी छुटेको प्रहरीले जनाएको छ । गिरीलाई पक्राउ गरी अनुसन्धान सुरु सुरु गरेको महाशाखाले जनाएको छ ।