हुम्लामा दुई बालिका ३ दिनदेखि सम्पर्कविहीन
काठमाडौं, साउन १८ । हुम्लामा दुई बालिका तीन दिनदेखि सम्पर्क्विहीन भएका छन् ।
जिल्लाको मध्य क्षेत्रको सर्केगार्ड गाउँपालिकाको कोट माध्यामिक विद्यालयमा अध्ययनरत दुई जना बालिका तीन दिनदेखि सम्पर्क बिहिन भएका छन्। दुवै बालिका बुधबारबाट सम्पर्क्विहीन भएका हुन्।
कोट माविमा कक्षा आठमा अध्ययनरत सर्खेगार्ड गाउँपालिका वडा नम्बर सातकी १३ वर्षीया लक्षुका काफ्ले र सिमकोट गाउँपालिका वडा नम्बर सात पाम्लाथुङकी संगिता शाही बुधबारदेखि सम्पर्क्विहीन भएको लक्षुकाका बुवा टंकप्रसाद काफ्लेले बताए।
उनीहरु तीन दिनदेखि सम्पर्कमा नआएकोले दुबै जना बालिकाको खोजी कार्य भैरहेको छ। दुबै जना बालिका घरबाटै निक्लेर सम्पर्कमा नआएको प्रहरी नायब उपरीक्षक राम प्रसाद घर्तीमगरले बताए। उनीहरुले साथमा केही थान कपडा पनि लिएको जानकारी आएको उनले बताए।
सम्पर्क्विहीन बालिकाका आफन्तले खोजी कार्यलाई तिब्रता दिन प्रहरी र संचारकर्मीलाई आग्रह गरेका छन्।
बालिका हराएको सुचना प्राप्त भएपछि सर्केगार्ड प्रहरी चौकीबाट प्रहरीको टोली घटना स्थलमा पुगेको छ। प्रहरीले सम्पर्क्विहीन बालिकाको खोजीलाई तिब्रता पार्ने बताएको छ।
प्रतिक्रिया दिनुहोस्