एक्कासी नख्खु कारागारमा कैदीबन्दीबीच कुटाकुट, एक गम्भिर घाइते

काठमाडौं , साउन १७ । ललितपुरको नख्खु कारागारमा दुई जना कैदीबन्दीबीच कुटाकुट भएको छ । घटनामा पूर्णबहादुर राजी घाइते भएका छन् ।
कारागार प्रशासनका अनुसार राजीलाई केहीवेरअघि कर्तव्य ज्यान मुद्दाका पवनकुमार महतोले भुइँमा विच्छ्याइएको ब्लकले प्रहार गरेका थिए ।

घटनालगत्तै, राजीलाई वीर हस्पिटल भर्ना गरिएको छ भने महतोलाई ललितपुर प्रहरी परिसर, जावलाखेलले नियन्त्रणमा लिएको छ ।
दुवै जना कोठाबाहिर घाम तापेर बसेका थिए । एक्कासी कुटाकुट भएपछि अन्य कैदीबन्दी गएर छुट्टाएका थिए ।

विवादको कारणबारे अनुसन्धान भइरहेको जनाइएको छ ।