रामेछापको साँघुटार बजारमा आगलागी

काठमाडौं, ९ साउन । रामेछाप नगरपालिका(३)साँघुटार बजारमा आगलागी भएको छ । आगलागीबाट एउटा पक्की घर, एउटा ट्रस्ट लगाएको घर र तीनवटा झुप्रा जलेका छन् ।
आगोबाट एउटा पक्की घर, एउटा ट्रस्ट लगाएको घर र तीनवटा झुप्रा जलेको जिल्ला प्रहरी कार्यालय रामेछापले जनाएको छ । बिहीबार बिहान ८ बजेबाट सुरु भएको आगलागी करिब दुई घण्टापछि नियन्त्रणमा आएको प्रहरीले जबताए । करेन्ट सर्ट भएर आगो लागेको प्रारम्भिक अनुमान छ ।

सिंहदेवी निर्माण सेवाको स्टोरबाट सुरु भएको आगोले अंकित श्रेष्ठ, राजन सुवेदी, नविन बुढाथोकी, अनिष थापा तथा कुमार थापाको घर र घरभित्र रहको सामान पनि जलेर नष्ट भएको स्थानीय प्रहरीले बताएका छन् ।

गोदाममा ग्यास तथा पेट्रोल र डिजेलसमेत रहेकाले आगो नियन्त्रणमा कठिनाइ भएको थियो हो ।

साँघुटार बजार रामेछाप जिल्लाकै पुरानो बजार भएको र रामेछापबाट ओखलढुंगा प्रवेश गर्ने मुख्य नाकाको पनि हो ।