लमजुङको दोर्दी खोलामा बाढी, सतर्क रहन आग्रह

काठमाडौं, साउन ८ । लमजुङको दोर्दी खोलामा बाढी आएको छ । बुधबार दिउँसो ३ बजेदेखि दोर्दी खोलामा एक्कासि बाढी आएको हो ।

खोलामा बाढी आएकाले नदी आसपासमा बस्ने नागरिकलाई सतर्क रहन आग्रह गरिएको गाउँपालिका अध्यक्ष ओमबहादुर गुरुङले बताए ।

प्रहरीसँगको समन्वयमा गाउँपालिकाले दोर्दी र मर्स्याङ्दी नदी आसपासमा बस्ने नागरिकलाई सूचना प्रवाह गरी सतर्क रहन आग्रह गरेको उनले बताए ।