काठमाडौंको थानकोटबाट सुनजस्तो पहेँलो धातुसहित एक जना पक्राउ

काठमाडौं, साउन ५ । काठमाडौंको थानकोटबाट सुनजस्तो देखिने पहेँलो २ किलो धातुसहित प्रहरीले एक जनालाई पक्राउ गरेको छ ।

भैरहवाबाट काठमाडौं आउँदै गरेको ट्रक चेकजाँचको क्रममा सो धातु फेला परेको महानगरीय प्रहरी वृत्तका डीएसपी कुमार विक्रम थापाले जानकारी दिए ।

पक्राउ परेकाको नाम भने खुलाइएको छैन सो घातु सुन हो या होइन भन्ने परीक्षणका लागि प्रयोगशाला पठाइएको डीएसपी थापाले बताए ।