मकवानपुरमा एकाएक चल्यो गोली

काठमाडौं, साउन ५ । मकवानपुरमा गोली चलेको छ । प्रहरी र गाँजा तस्करबीच गोली हानाहान भएको हो ।

मनहरी गाउँपालिका-९ रजैयास्थित राप्तीखोला बगरमा प्रहरी र गाँजा तस्करबीच गोली हानाहान भएको हो । जिल्ला प्रहरी कार्यालय मकवानपुर टोलीलाई देखेपछि गाँजा तस्करको समूहले फायरिङ सुरु गरेको बताइएको छ ।

त्यसपछि प्रहरीले पनि जवाफी फायरिङ गरेको थियो । तर दुवैतर्फ मानवीय क्षति नभएको जिल्ला प्रहरी कार्यालय मकवानपुरले जनाएको छ । गोली हानाहान भएपछि प्रहरीले हतियारसहित एकजनालाई पक्राउ गरेको छ ।

अन्य भागेका छन् । पक्राउ परेका व्यक्ति गाँजा तस्कर नै भएको स्रोतले जनाएको छ ।