आफ्नै घरको छतबाट खसेर भक्तपुरमा एक जनाको मृत्यु
Published On : 19 July, 2019 11:02 am
काठमाडौं, साउन ३ । भक्तपुरमा छतबाट खसेर एक जनाको मृत्यु भएको छ ।
भक्तपुर नगरपालिका–९ लिवालीमा आफ्नै घरको छतबाट खसेर ४५ वर्षीय सूर्यलाल भूमीको मृत्यु भएको हो ।
तीनतले घरको छतमा चिप्लिएर लडेपछि उपचारका लागि भक्तपुर अस्पताल लगिएकामा उपचारकै क्रममा मृत्यु भएको महानगरीय प्रहरी परिसर भक्तपुरका प्रहरी उपरीक्षक रेवतीरमण पोखरेलले जानकारी दिए ।
मृतकको शव परीक्षणका लागि भक्तपुर अस्पताल लगिएको प्रहरीले जनाएको छ ।
प्रतिक्रिया दिनुहोस्