ट्रयाक्टरमा मोटरसाइकल ठोक्किँदा एकजनाको मृत्यु

काठमाडौं । दाङको देउखुरीमा गएराति भएको दुर्घटना एकजनाको मृत्यु भएको छ ।

पूर्व–पश्चिम राजमार्ग अन्तर्गत राप्ती गाउँपालिका–८ पिपरीमा ट्रयाक्टर र मोटरसाइकल ठोक्किँदा रुपन्देहीका २२ वर्षीय शम्भु चौधरीको मृत्यु भएको वडा प्रहरी कार्यालय लमहीले जनाएको छ ।

रा १ त १४०२ नम्बरको ट्रयाक्टरमा लु २४ प ८८२४ नम्बरको मोटरसाइकल ठोक्किन पुगेको प्रहरीले जनाएको छ । दुर्घटनामा घाइते भएका चौधरीको लमही अस्पतालमा उपचारका क्रममा राति मृत्यु भएको हो ।