२ जना स्थाीयले गरे वडा कार्यालयलाई ३२ लाखको जग्गादान

काठमाडौं, असार २५ । नुवाकोठमा २ जना स्थानीइले वडा कार्यालयलाई जग्गा दान गरेका छन् ।

नुवाकोटको लिखु गाउँपालिका–२ का ति २ जना स्थानीयले वडा कार्यालय निर्माणका लागि ३२ लाख रुपैयाँ बराबरको जग्गादान गरेका हुन् ।

लिखु गाउँपालिका–२ का सन्जीव लामिछाने र रामकृष्ण नेपालले एकरएक रोपनी जग्गादान गरेका हुन् ।

अहिले वडा कार्यालय बसेको ठाउँ साँघुरो र वडा नम्बर–२ का बासिन्दालाई अपायक परेको भन्दै आफूले जग्गादान गरेको लामिछानेले बताए ।

सार्वजनिक बाटोका लागिसमेत जग्गा छाड्न तयार नहुने अवस्थामा ३२ लाख बराबरको जग्गादान गर्नु प्रशंसनीय भएको वडाध्यक्ष भीमबहादुर घलेले बताए ।

लिखु गाउँपालिका–४ बाहेक सबै वडा कार्यालयहरु भाडामा बस्दै आएका छन् । जग्गा नहुँदा वडाले भवन बनाउन सकेको थिएन ।