एकाबिहानै बबरमहलमा ट्याक्सीले स्कूटरलाई ठक्कर दियो, गयो घटनास्थलमै एक जनाको ज्यान

काठमाण्डौ, असार २१ । काठमाण्डौको बबरमहलमा ट्याक्सीले स्कूटरलाई ठक्कर दिँदा एक जनाको मृत्यु भएको छ । मृत्यु हुनेमा स्कुटर पछाडि बसेका दीपक थापा रहेको प्रहरीले जनाएको छ ।
शनिबार बिहान २ बजेतिर बा २ ज ११८८ नम्बरको ट्याक्सीले बा ८३ प ४०३५ नम्बरको स्कूटरलाई ठक्कर दिँदा स्कुटर पछाडि बसेका ओखलढुंगाको सुनकोशी गाउँपालिका–८, का दीपक थापाको घटनास्थलमै ज्यान गएको प्रहरीले जनाएको छ ।

घाइते भएका स्कूटर चालक काभ्रे पनौती–१०, का २२ वर्षीय रोहितसिंह ठकुरीको अन्नपूर्ण न्यूरो अस्पतालमा उपचार भैरहेको छ ।