कावासोती नगरपालिकाको गाडीमा आगजनी

नवलपरासी, १० असार । कावासोती नगरपालिकाको गाडीमा सोमबार राति अज्ञात समूहले आगजनी गरेका छन् ।

कावासोती नगरपालिका उप–मेयर प्रेमशंकर मर्दनिया थारुको घर अगाडि पार्किङ गरेर राखिएको लु १ झ ३२१ नम्बरको स्कर्पियो गाडिमा आगजनी भएको हो ।

कावासोती नगरपालिका –१५ , बागखोरमा रहेको घर अगाडि राखिएको गाडीमा सोमबार राति साढे १ बजेको समयमा मोटरसाइकलमा आएका दुई जना व्यक्तिले पेट्रोल छर्केर आगजनी गरेको स्थानीयलाई उद्धृत गर्दै प्रहरीले जानकारी दिएको छ ।

आगजनीबाट गाडीको पछाडिको भागमा क्षति पुगेको छ । आगजनी गर्नेको खोजी भैरहेको प्रहरीले जनाएको छ । आगजनी भएको गाडी उप–मेयर मर्दनियाले प्रयोग गर्दै आएका थिए ।