सुनकोशीमा कार दुर्घटना हुँदा एकै परिवारका दुई जनाको ज्यान मृत्यु, २ घाइते

काठमाडौं, १० असार । बीपी राजमार्ग अन्तर्गत सिन्धुलीको सुनकोशी गाँउपालिका–२ कमेरेफाँटमा कार दुर्घटना हुँदा एकै परिवारका दुई जनाको ज्यान गएको छ, भने अन्य दुई जना घाइते भएका छन् ।

खोटाङ हलेसीबाट काठमाण्डौ जाँदै गरेको बा १३ च ३७९३ नम्बरको कार सोमबार राति २ बजेतिर सुनकोशी नदीको बगरमा खस्दा काठमाण्डौ महानगरपालिका–३१ नयाँबानेश्वर निवासी ६० वर्षीय अच्युत लामिछाने र उहाँकी बुहारी ४५ वर्षकी हेमा लामिछानेको घटनास्थलमा नै ज्यान गएको प्रहरीले जानकारी दिएको छ ।

त्यस्तै, चालक ५८ वर्षीय दीपक लामिछाने (हेमाको श्रीमान) र २६ वर्षीय आस्था लामिछाने (अच्युतको छोरी) घाइते भएको र उनीहरुलाई उपचारको लागि काठमाण्डौ पठाइएको सिन्धुली जिल्ला प्रहरी प्रमुख चक्रबहादुर सिंहले बताए ।