घुस रकमसहित सब इन्जिनियर भण्डारी रंगेहात पक्राउ

काठमाडौं, असार ७ । ३५ हजार घुससहित एक सब इन्जिनियर पक्राउ परेका छन् ।

नुवाकोटको बेलकोटगढी नगरपालिकामा कार्यरत सब इन्जिनियर बद्री भण्डारी घुससहित पक्राउ परेका हुन् ।

विज्ञापन बापतको कमिसनको लागि भन्दै उनले सेवाग्राहीसँग घुस माग गरेकोउजुरीको आधारमा अख्तियार दुरुपयोग अनुसन्धान आयोगको कार्यालय काठमाडौँबाट खटिएको टोलीले उनलाई रंगेहात पक्राउ गरेको हो ।

सब इन्जिनियर भण्डारीलाई सेवाग्राहीसँग ३५ हजार घुस बापतको रकम लिइसकेको अवस्थामा नियन्त्रणमा लिई टोलीले अनुसन्धान गरेको थियो । उनले बेलकोटगढी नगरपालिकाको विज्ञापन प्रकाशित गरेबापत सेवाग्राहीसँग सो रकम घुस मागेका थिए ।