काठमाडौँको गोकर्णेश्वरमा बस पल्टियो, एकजनाको मृत्यु , १० घाइते, अरुको अवस्था यस्तो छ ..

काठमाडौँ , असार ५ । काठमाडौँको गोकर्णेश्वरमा बस पल्टिदा एक जनाको मृत्यु भएको छ ।

दुर्घटनामा ज्यान गुमाउनेको सनाखत भएको छैन । अरु १० जना घाइते भएको र उनीहरुको अवस्था सामान्य रहेको प्रहरीले जनाएको छ ।

बसका चालक फरार रहेकाले खोजी भइरहेको प्रहरीले उल्लेख गरेको छ । घटनास्थलमा रहेका स्थानीय बासिन्दा सन्तोष कार्कीका अनुसार ज्यान गुमाउने व्यक्तिको टाउकोमा गम्भीर चोट लागेको थियो ।

दुर्घटना बिहीबार दिउँसो सुन्दरीजलबाट रत्नपार्कका लागि छुटेको बा १ ख ८७४४ नम्बरको बस गोकर्णेश्वर–४ तालचोकमा पल्टिएको प्रहरीले जनाएको छ ।