विराटनगरबाट दुईवटा पेस्तोल ८ राउण्ड गोलीसहित एक भारतीय नागरिक पक्राउ

फाइल तस्बिर

काठमाडौं, जेठ २८ । प्रहरीले विराटनगरबाट दुईवटा पेस्तोलसहित एक भारतीय नागरिकलाई पक्राउ गरेको छ। दुईवटा पेस्तोल ८ राउण्ड गोलीसहित प्रहरीले सोमबार राति विराटनगर-९ को एक होटलबाट प्रक्राउ गरेको हो ।

पक्राउ पर्नेमा भारत सितामढी ग्राम पञ्चायत थान बैरगनिया(७ घर भएका २० वर्षीय कुनाल कुमार रहेका छन् ।

प्रहरीले चेकजाँच गर्ने क्रममा अटोमेटिक पेस्तोल थान(१, सो पेस्तोलको म्याग्जिन थान(१ र म्याग्जिनमा लोड भएको ४ राउण्ड बरामद भएको प्रहरीले जानकारी दिएको छ ।

उनकै साथबाट कटुवा पेस्तोल थान-१, पेस्तोलमा लोड भएको गोली १ राउण्ड र उनको पाइन्टको गोजीमा ३ राउण्ड गोली भेटिएको जिल्ला प्रहरी कार्यालय मोरङका डीएसपी घनश्याम श्रेष्ठले जानकारी दिए ।

उनका अनुसार हतियारसहित पक्राउ परेका कुमारलाई जिल्ला प्रहरी कार्यालय मोरङमा राखेर अनुसन्धान थालिएको प्रहरली जनाएको छ ।